ယနေ့ သြဂုတ်လ ၂၇ ရက်နေ့ တွင် ရန်ကုန်-နေပြည်တော် ပြေးဆွဲသည့် ၃၁ အဆန် ရထားသည် ရန်ကုန်ဘူတာကြီးမှ နံနက် ၈ နာရီတွင် ထွက်ခွာလာရာ တိုးကြောင်ကလေးဘူတာနှင့် ငမိုးရိပ် ဘူတာကြား အရောက်တွင် ရထားလမ်းချော်မှု ဖြစ်ပွား ခဲ့ကြောင်းသိရသည်။ ဖြ
စ်ပွားချိန် မှာ ယနေ့နံနက် ၈ နာရီ ၂၀ မိနစ်တွင် ဖြစ်ပွားခဲ့ပြီး အဆိုပါဖြစ်ရပ်ကြောင့် ရထားဘီးစတင်လမ်းချော်သည့် နေရာမှစ၍ ပေတစ်ရာခန့်အထိ တရွတ်တိုက်ချော်ထွက် သွားကာ သံလမ်း များကြားမှ ကွန်ကရစ် ဇလီဖားတုံး ၁၀၀ ကျော် ခန့် ပျက်စီးသွားကြောင်း သိရသည်။
ယင်းဖြစ်စဉ်နှင့် ပတ်သက်၍ အဆိုပါရထားနှင့်လိုက်ပါလာသူ ရထားလုံခြုံရေး ရဲတပ်ကြပ် ကိုအေးထွန်း ကို ရန်ကုန်မီဒီယာဂရုပ်မှ မေးမြန်းရာ "ရထားကြောင့် ဖြစ်တာလား သံလမ်းရဲ့အားနည်းချက်လား ဆိုတာ လောလောဆယ်အဖြေရှာလို့ မရသေးဘူး ဒီနေရာမှာ အရင်ကလမ်းချော်တာမျိုးမရှိဘူး ခရီးသည်တွေလည်း ဘာမှ မဖြစ်ဘူး" ဟု ပြောကြားသည်။
ယင်းဖြစ်စဉ်ကို ကိုယ်တိုင်မြင်တွေ့လိုက်ရသည့် ရထားသံလမ်းဘေးတွင် နေထိုင်သူ ဦးဝင်းလှိုင်က "အသံက ဂျိမ်း ဂျိမ်း ဆိုပြီးအကျယ်ကြီးကြား လိုက်ရတယ် အော်တဲ့သူ ကလည်းအော် ပြေးတဲ့သူတွေပြေးဖြစ်ကုန်တယ် ။ ဖြစ်တဲ့ အတွဲကအရမ်းခါနေတော့ မှောက်သွားမှာ စိုးရတယ်။မီပွားတွေလည်း ထွက်ပြီး ညော်လည်းညော်ကုန်တယ် ဘယ်လိုဖြစ်မလဲဆိုပြီး ရထားမှောက်မှာစိုးလို့ကြည့်နေကြတာ ရထားဘီးက တအားချော်တာ "ဟု ပြောကြားသည်။
အဆိုဖြစ်ပွားရာနေရာသို့ ရောက်ရှိနေသော ရန်ကုန်ဘူတာကြီး၏ ဒုရုံပိုင်ချုပ်ကြီး ဦးရဲလွင်အား မေးမြန်းရာတွင် "အခုဖြစ်စဉ်က ဘာကြောင့် ဖြစ်တယ် ဆိုတာ မပြောနိုင်သေးဘူး ရထားတွဲကြောင့်ဖြစ်တာလား ၊ လမ်းကြောင့်ပဲလား ၊ စက်ခေါင်းမောင်းတဲ့ သူရဲ့ အနှေးအမြန်ကြောင့် ဖြစ်တာလား ဆိုတာတွေကို သေချာဆန်းစစ်ရ ဦးမယ် သုံးမျိုးစလုံးလည်း ဖြစ်သွားနိုင်တယ် ၊ အဖြေတော့ မပေးနိုင်သေးဘူး" ဟု ပြောကြားသည်။
အဆိုပါ ရထားဘီးချော်မှုကြောင့် ခရီးသည်များထိခိုက်ဒဏ်ရာရှိမှု မရှိခဲ့ကြောင်း သိရသည်။ ဘီးချော်သွားသည့် ရထားတွဲကို တိုးကြောင်ကလေး ဘူတာအထိ သယ်ယူသွားပြီး ယင်းဘူတာတွင် ဖြုတ်ထား ခဲ့မည် ဖြစ်ကြောင်း နှင့် ခရီးစဉ်ကို ဆက်လက်ပြေးဆွဲ ထွက်ခွာမည် ဖြစ်ကြောင်း သိရသည်။ ဖြစ်ပွားသည့် ရထား အတွဲမှာ ရထားစက်ခေါင်းမှ စတင်ရေတွက်လျင် ၅ တွဲမြောက်အတွဲဖြစ်ကြောင်း သိရသည်။
 |
| ပြင်ဆင်ရေးနှင့် ကူညီရေး အဖွဲ့များရောက်ရှိလာကာ ရထားလမ်းချော်မှုအား ကူညီဆောင်ရွက်နေကြစဉ် |
ကျော်သူ ၊ အေးမြမြထွန်း - Yangon Media Group
