နိုဝင်ဘာ ၇၊ ၂၀၁၂
နယ်စည်းမခြား ဆရာဝန်များ ရခိုင်မှာ ခြိမ်းခြောက်ခံရ
ရခိုင်ပြည်နယ်၌ ကျန်းမာရေးစောင့်ရှောက်မှုပေးနေသည့် နယ်စည်းမခြား ဆရာဝန်များအဖွဲ့ (MSF) ကို ဒေသခံတချို့က ခြိမ်းခြောက်သည့်အတွက် ကျန်းမာရေးဆိုင်ရာ အကူအညီပေးရေး လုပ်ငန်းများ ရွှေ့ဆိုင်းထားရသည်။ စစ်တွေမြို့တွင် ရခိုင် ဗုဒ္ဓဘာသာဝင်တချို့က ပိုစတာများနှင့် လက်ကမ်းစာရွက်များ ဝေငှကာ ကျန်းမာရေးလုပ်သားများကို ခြိမ်း ခြောက်နေကြောင်း၊
ဒေသခံဝန်ထမ်းများမှာ ဒုက္ခသည်စခန်းများအတွင်းသို့ သွားရောက်ပြီး လူမျိုးရေး ပဋိပက္ခအတွင်းက ဒဏ်ရာရသူများကို သွားရောက်ကုသခြင်း မပြုနိုင်ကြောင်း ယင်းအဖွဲ့ ထုတ်ပြန်ချက် အရ သိရသည်။
MSF အဖွဲ့၏ မန်နေဂျာ ဂျိုးဗယ်လီဗျူး က“တဘက်နဲ့ တဘက် ဒီလောက်ရန်စောင်နေတာ တခါမှမတွေ့ဖူးဘူး၊ ဒါပေမယ့် ကျနော် တို့ ဆေးဝါး အထောက်အပံပေးတယ်ဆိုတာ နိုင်ငံရေး မဟုတ်ဖူး ဆိုတာတော့ နားလည်စေချင်တယ်”ဟု ဆိုကြောင်း New York Times သတင်းစာက ရေးသားသည်။
ယခုအခါ ဒုက္ခသည်စခန်းများ၌ ကလေးအများစုမှာ အဟာရချို့တဲ့နေပြီး၊ ငှက်ဖျားရောဂါများလည်း ဖြစ်ပွားမှုများပြားနေသည်ဟု ၎င်းကဆက်ပြောသည်။ MSF အဖွဲ့သည် မြန်မာအစိုးရ၊ အခြား ပြည်တွင်းအခြေစိုက် ကျန်းမာရေးဆိုင်ရာ အကူအညီများ ပေးနေသော အဖွဲ့များနှင့်အတူ ဆေးဝါးနှင့် ကျန်းမာရေးဆိုင်ရာ ကုသမှုများကို အခမဲ့ ပေးနေသော အဖွဲ့ဖြစ်သည်။
လူမျိုးရေး၊ ဘာသာရေး ပဋိပက္ခ နှစ်ကြိမ် ဖြစ်ပွားခဲ့သည့် ရခိုင်ပြည်နယ်၏ လက်ရှိအခြေအနေမှာ ဗုဒ္ဓဘာသာဝင် ရခိုင်လူမျိုး များနှင့် မူစလင်ဘာသာ ၀င်များအကြား တဖက်နှင့် တဖက် ယုံကြည်မှုကင်းမဲ့ကာ တင်းမာနေဆဲဖြစ်သည်။
ရခိုင်ပြည်နယ် ရမ်းဗြဲမြို့နယ် ကျောက်နီမော်ကျေးရွာမှ ရခိုင်တိုင်းရင်းသူ မသီတာထွေးအား လူ ၃ ဦးက အဓမ္မကျင့်ပြီး ပစ္စည်းယူ၊ လူသတ်မှုမှ စတင်ခဲ့ကာ လူမျိုးရေးပဋိပက္ခစတင်ဖြစ်ပွားခဲ့ရသည်။ ပထမအကြိမ် အဓိကရုဏ်းများဖြစ်ပွားသည့် ဇွန်လ ပဋိပက္ခအတွင်း သေဆုံးသူ ၅၀ ဦး၊ ထိခိုက်ဒဏ် ရာရသူ ၅၄ဦး၊ အဆောက် အအုံ ၂၂၃၀ ဆုံးရှုံးခဲ့ရသည်။
ထိုနောက် ဒုတိယအကြိမ် အောက်တိုဘာလအတွင်း ပဋိပက္ခများ တကျော့ပြန်ဖြစ်ပွားလာသည့်အတွက် သေဆုံးသူ ၈၉ ဦး၊ ဒဏ်ရာရသူ ၁၃၆ ဦး၊ နေအိမ် ၅၃၅၁ လုံး မီးလောင်ခဲ့ပြီးနောက် လူဦးရေ ၃၂၂၃၁ ဦး အိုးမဲ့အိမ်မဲ့ဖြစ်ပွားခဲ့ရသည်။ ပဋိပက္ခများ ပိုမိုပြင်းထန်လာသည့်အတွက် ယခုအခါ ရခိုင်ပြည်နယ်ကို စစ်တပ်မှ အုပ်ချုပ်လျက် ရှိသည်။
================================================
ရခိုင်ဒေသတွင်း လူဦးရေစာရင်း စကောက်
ထိုသို့ ကောက်ခံရခြင်းသည် ၁၉၈၂ ခုနှစ် နိုင်ငံသား ဖြစ်မှု ဥပဒေ အတိုင်းဆောင်ရွက်သွားရန် ဖြစ်ကြောင်း၊ နိုင်ငံသားဖြစ်ခွင့် ရှိသူ များကို နိုင်ငံသား ဥပဒေအတိုင်း ဆောင်ရွက်၍ တရားမ၀င် နေထိုင်သူများကိုလည်း လူဝင်မှု ကြီးကြပ်ရေး(လ၀က) ဥပဒေ အရ လ၀က ဌာနက ဆက်လက် လုပ်ဆောင်သွားမည်ဟု ၎င်းက ဆက်ပြောသည်။
ပြည်နယ်အစိုးရ အဖွဲ့မှ တာဝန်ရှိသူများ၊ လ၀က အဖွဲ့၊ ရခိုင် ဒေသခံ ရပ်မိရပ်ဘများ၊ မွတ်စလင်ဘက်မှ ရပ်မိရပ်ဘများနှင့် ဒေ သ ဆိုင်ရာ ကျေးရွာ အုပ်ချုပ်ရေးမှူးများ၊ နယ်စပ်ဒေသ လုံခြုံရေးနှင့် ကွပ်ကဲရေးအဖွဲ့(နစက)၊ စစ်တပ် နှင့် ရဲ တပ်ဖွဲ့ ၀င်များ လည်း ပါဝင်ကြောင်း ဦးဝင်းမြိုင် က ဆက်ပြောသည်။
ရခိုင်ဒေသ၌ ဇွန်လနှင့်အောက်တိုဘာလ အတွင်း ဒေသခံ ရခိုင်တိုင်းရင်းသားများနှင့်မွတ်စလင်တို့အကြား ပဋိပက္ခများကြောင့် မြေပုံ၊ ကျောက်ဖြူ၊ ပေါက်တော မြို့နယ်ထဲသို့ ပြောင်းရွှေ့လာကြသည့် လူဦးရေစာရင်းကို ကောက်ခံမည်ဖြစ်သည်ဟု ဆို သည်။
အောက်တိုဘာလ အတွင်း တကျော့ပြန် ဖြစ်ပွားသည့် ပဋိပက္ခများကြောင့် ကျောက်ဖြူနှင့်တခြားဒေသ တချို့မှ မွတ်စလင်များသည် ပေါက်တော ဒေသတ၀ိုက်သို့ စုပြုံရောက်ရှိလာသည့်အတွက် ထိုဒေသကို ကနဦး ကောက်ခံခြင်းဖြစ်သည်ဟု သိရသည်။ပေါက်တောမြို့နယ်အတွင်း ကောက်ပြီးပါက စစ်တွေမြို့နယ်တွင် ဆက်လက် ကောက်ခံသွားမည်ဟုသိရပြီး ထိုမှတဆင့် ရခိုင် တပြည်လုံးကို ဆက်တိုက်ကောက်ခံသွားမည်ဟုလည်း အာဏာပိုင်များက ပြောသည်။
ရခိုင်ပြည်နယ်တွင် ရခိုင်၊ ဗမာ တိုင်းရင်းသားများနှင့် ချင်း၊ မြို၊ သက်၊ ခမီ၊ ဒိုင်းနက်၊ မရမာကြီး၊ ကမန် စသောတိုင်းရင်းသား မျိုး နွယ်စု လူဦးရေ စုစုပေါင်း ၃၀၄၅၀၀၀ (၃ သန်းကျော်)ရှိကြောင်း ၂၀၀၅ ခုနှစ်ထုတ် တပ်မတော် အစိုးရ လက်ထက် နိုင်ငံတော် ဖွံ့ဖြိုး တိုးတက်မှုမှတ်တမ်း ၌ ဖော်ပြထားသည်။လက်ရှိတွင် ရခိုင်ပြည်နယ်တွင်း ဘင်္ဂါလီ ဦးရေသည် ၉ သိန်းမှ ၁ သန်း ၀န်းကျင် အထိ ရှိကြောင်း သိရသည်။
မြန်မာနိုင်ငံတွင် ပြည်လုံးကျွတ် သန်းခေါင် စာရင်းကောက်ခံခြင်းကို ၂၀၁၄ ခုနှစ်တွင် လုပ်ဆောင်မည်ဖြစ်ကြောင်း၊ ထိုသို့ ကောက် ယူရာတွင် ပဋိပက္ခများ ဖြစ်ပွားနေသည့် ရခိုင်ဒေသရှိ ဘင်္ဂါလီများကိုပါ ထည့်သွင်းကောက်ခံသွားမည်ဖြစ်ကြောင်း လူဝင်မှု ကြီးကြပ်ရေး နှင့် ပြည်သူ့ အင်အား ဦးစီးဌာန ပြည်ထောင်စု ၀န်ကြီး ဦးခင်ရီ က ပြောဆို ထားသေးသည်။
၂၀၁၄ ခုနှစ် ပြည်လုံးကျွတ် သန်းခေါင်စာရင်း မကောက်ခံမီ အကြို ကောက်ခံမှုကို ရခိုင်ပြည်နယ် အပါအ၀င် ဧရာဝတီတိုင်း၊ ရန်ကုန်တိုင်းနှင့် ပဲခူးတိုင်းတို့တွင် ၂၀၁၃ ခုနှစ်အတွင်း စမ်းသပ် ကောက်ခံမည်ဟုလည်း အာဏာပိုင်တို့က ပြောသည်။ ပြည်လုံးကျွတ်သန်းခေါင်စာရင်း ကောက်ခံခြင်းကို ၂၀၁၄ ခုနှစ် မတ်လ ၃၀ ရက်နေ့မှ ဧပြီလ ၁၀ ရက်နေ့အထိ ၁၁ ရက်ကြာပြု လုပ်သွားမည်ဖြစ်ကြောင်း သိရသည်။
၁၉၈၂ ခုနှစ် မြန်မာနိုင်ငံသား ဥပဒေအရ ကျေးရွာ ၅ ခုကို မနေ့က စတင်စစ်ဆေး
ရခိုင်ပြည်နယ်အတွင်းမှာ ဖြစ်ပွားခဲ့တဲ့ ပဋိပက္ခတွေကို ပြေလည်အောင် ဖြေရှင်းဖို့အတွက် ပထမဆုံးအဆင့် အနေနဲ့ ၁၉၈၂ ခုနှစ် မြန်မာနိုင်ငံသားဥပဒေအတိုင်း ရခိုင်ပြည်နယ် ပေါက်တောမြို့နယ်အတွင်းက ရိုဟင်ဂျာတွေ နေထိုင်တဲ့ ကျေးရွာ ၅ ရွာကို မနေ့က စတင်စစ်ဆေးနေပြီလို့ သိရပါတယ်။
ကလေးမြို့တွင် ရခိုင်၊ မောင်တောမှ ထွက်ပြေးသူများ ဖမ်းဆီး
ရခိုင်ပြည်နယ်၊ မောင်တောဒေသမှ ခရီးသွားလာခွင့်နှင့်နိုင်ငံသား စာရွက်စာတမ်းများမပါဘဲ ထွက်ပြေးလာသူ ၁၉ ဦးကို စစ်ကိုင်းတိုင်း၊ ကလေးမြို့အနီးတွင် ယမန်နေ့က ဖမ်းဆီးလိုက်ကြောင်း သတင်းရရှိသည်။
စစ်ကိုင်းတိုင်း၊ ကလေးမြို့ဝန်းကျင်အနီးရှိ တောအုပ်ထဲတွင် မသင်္ကာဖွယ်ရာ လူ ၂၀ ဦး ခိုအောင်းနေထိုင်ကြောင်း ကလေးဒေသခံအချို့က တွေ့ရှိ ၀ိုင်းဝန်းဖမ်းဆီးပြီး သက်ဆိုင်ရာ အာဏာပိုင်များ ထံသို့ ယမန်နေ့က အပ်နှံခဲ့ခြင်းဖြစ်သည်ဟု သိရှိရသည်။
“စုစုပေါင်းက ၂၀ ပါ။ ကျူတောထဲမှာ တဲထိုးနေနေတာ ရွာသားတယောက် လာအကြောင်းကြားလို့ သွားကြည့်တာ။ တယောက်က ထွက်ပြေးသွားတယ်။ သူတို့အားလုံးကို ရဲစခန်းကို အပ်လိုက်ပါတယ်” ဟု ကလေးမြို့ အမျိုးဘာသာ သာသနာ စောင့်ရှောက်ရေးအသင်းမှ ဒုတိယဥကဋ္ဌ ဆရာတော် ဦးပဏ္ဍ၀ံသ က မိန့်ကြားသည်။
ဖမ်းဆီးရရှိသူများမှာ ရခိုင်ပြည်နယ်၊ မောင်တောဒေသမှ ထွက်ပြေးလာသူ လူမျိုးခြားများဖြစ်သည်ဟု သိရှိထားပြီး မြန်မာစကား ကျွမ်းကျင်စွာ ပြောဆိုနိုင်ကြောင်း၊ မြန်မာ-ဘင်္ဂလားဒေ့ရှ်-အိန္ဒိယ နယ်စပ်မှတဆင့် ချင်းပြည်နယ်ကို ဖြတ်ကျော်ကာ စစ်ကိုင်းတိုင်း ကလေးမြို့သို့ ရောက်ရှိလာကြောင်း၊ ၄င်းတို့တွင် နိုင်ငံသားအထောက်အထား စာရွက်စာတမ်း တစုံတရာ မပါဝင်ကြောင်း၊ ကလေးမြို့မှတဆင့် မန္တလေးနှင့် ရန်ကုန်မြို့သို့ သွားရောက်ကာ ထိုမှတဆင့် ထိုင်း-မြန်မာနယ်စပ်ကို ဖြတ်ကျော်ကာ မလေးရှားနိုင်ငံသို့ သွားရောက်ရန်ရှိသည်ဟု စစ်ဆေးချက်များက ဆိုသည်။
“ချင်းတောင်တန်းတလျှောက်ကလည်း လုံခြုံရေး အားနည်း၊ ကလေးမြို့ရောက်ရင်ကို မန္တလေး၊ ရန်ကုန်အထိက လမ်းကြောသင့်သွားပြီ၊ စစ်တာဆေးတာ သိပ်မရှိတော့ ဒီဖက်လမ်းကြောင်းကို ရောက်လာတာပဲ” ဟု ဆရာတော် ဦးပဏ္ဍ၀ံသ က မိန့်သည်။
လတ်တလော အဖမ်းခံရသူ များကို ကလေးမြို့နယ်ရှိ လူဝင်မှု ကြီးကြပ်ရေး (လ၀က) တာဝန်ရှိသူများက စစ်ဆေးမေးမြန်း မှုများ ပြုလုပ်နေဆဲဖြစ်ပြီး စစ်ဆေးမှုအပြီး မည်သို့ မည်ပုံ လုပ်ဆောင်ရန် ရှိသည်ကို မသိရှိရသေးကြောင်း ကလေးမြို့နယ်ရဲစခန်းမှ ရဲဝန်ထမ်းတဦးက ရှင်းပြသည်။
စစ်ကိုင်းတိုင်းကလေးမြို့အနီးတွင် အောက်တိုဘာလအတွင်းကလည်း ခရီးသွားလာခွင့်နှင့် နိုင်ငံသား အထောက်အထားမပါသူ ၁၆ ဦးကို ဖမ်းဆီးရရှိခဲ့ပြီး ယခုနှစ်အတွင်း အလားတူဖမ်းဆီးရရှိမှုမျိုး ၁၀ ကြိမ်ထက်မနည်းရှိနေပြီဟု ဒေသခံများ၏အဆိုအရ သိရှိရသည်။ရခိုင်ပြည်နယ်တွင် ယခုနှစ်ဇွန်လမှ စတင်ပြီး လူမျိုးစုပဋိပက္ခများဖြစ်ပွားလျက်ရှိပြီး လူသေဆုံးမှုများ၊ အိုးအိမ်များ မီးရှို့ဖျက်ဆီးမှုများအပါအ၀င် မတည်ငြိမ်သော အခြေအနေများကြောင့် အစိုးရက အရေးပေါ် ထုတ်ပြန်ကြေညာထားသည်။
NLABR Web-site: www.nlabr.com Facebook: Sa Maung
