သတ္တုတွင်းဝန်ကြီးဌာနနှင့်The Voice ဂျာနယ်အမှုကို ဒဂုံမြို့နယ်တရားရုံး၌ နိုဝင်ဘာ ၂၂ ရက်နေ့တွင် ဆက်လက်စစ်ဆေး ကြားနာသွားမည်

သတ္တုတွင်းဝန်ကြီးဌာနနှင့် The Voice ဂျာနယ်ကြားဖြစ်ပွားနေသော အမှုကို မူလတရားရုံးဖြစ်သည့် ဒဂုံမြို့နယ်တရားရုံးတွင် လာမည့်နိုဝင် ဘာလ ၂၂ ရက်နေ့၌ ဆက်လက်စစ်ဆေး ကြားနာသွားမည်ဖြစ်ကြောင်း နိုဝင်ဘာလ၈ရက် ရုံးချိန်းမှသိရှိရသည်။
The Voice ဂျာနယ်အနေဖြင့် မတ်လ၁၀ရက်နေ့က ထုတ်ဝေခဲ့သော ဂျာနယ် အတွဲ-၈၊ အမှတ် ၁၃၌ ၀န်ကြီးဌာနအချို့၏ ကျပ်သိန်းထောင်ချီ အလွဲသုံးစားမှု စစ်ဆေးတွေ့ရှိသတင်းကို မျက်နှာဖုံးသတင်းအနေဖြင့် ဖော်ပြခဲ့သဖြင့် သတ္တုတွင်းဝန်ကြီးဌာနက ဒဂုံမြို့နယ်တရားရုံးသို့ ပုဒ်မ ၅၀၀ ဖြင့်  တရားစွဲရန် ဦးတိုက်လျောက်ထားခဲ့ခြင်းဖြစ်ကြောင်း သိရှိရသည်။
သတ္တုတွင်းဝန်ကြီးဌာနက The Voice ဂျာနယ်အပေါ် တရားစွဲဆိုထားခြင်းကို ဒဂုံမြို့နယ်တရားရုံးက ပြစ်မှုအမှတ် ၅၁/၂၀၁၂၊ ပုဒ်မ ၅၀၀ ဖြင့်လက်ခံစစ်ဆေးခဲ့ကြောင်း သိရသည်။
ယင်းအမှုကို ဒဂုံမြို့နယ်တရားရုံးက The Voice ဂျာနယ်ကို ပုဒ်မ ၅၀၀ ဖြင့်စွဲချက်တင်ကြောင်းအမိန့်ကို  စက်တင်ဘာလ ၂၀ ရက်နေ့က အမိန့်ချမှတ်ခဲ့ခြင်းဖြစ်သည်။ ယင်းအမိန့်ကို The Voice ဂျာနယ်ဘက်မှ ကျေနပ်မှုမရှိသဖြင့် ခရိုင်သို့ ပြင်ဆင်မှုလျှောက်ထားခဲ့ပြီး  အနောက်ပိုင်းခရိုင်တရားရုံးကလည်း  လျောက်ထားမှုကို လက်ခံစစ်ဆေးခဲ့ကာ နိုဝင်ဘာလ ၅ ရက်နေ့တွင် မူလမြို့နယ်တရားရုံး (အောက်ရုံး) ၏အမိန့် အတည်ဖြစ်ကြောင်း အမိန့်ချမှတ်ခဲ့ခြင်းဖြစ်သည်။
ခရိုင်ရုံးမှချမှတ်သည့်အမိန့်ကိုလည်း The Voice ဂျာနယ်ဘက်မှ ကျေနပ်မှုမရှိသဖြင့် အထက်တရားရုံးသို့ ပြင်ဆင်မှုထပ်မံ လျှောက်ထားသွားရန် အစီအစဉ်ရှိကြောင်းလည်း သိရှိရသည်။
ယင်းသို့ ခရိုင်မှ မြို့နယ်တရားရုံး၏အမိန့်မှာ အတည်ဖြစ်ကြောင်း ဆုံးဖြတ်ခဲ့သဖြင့် ဒဂုံမြို့နယ်တရားရုံးတွင် ယင်းအမှုကို ဆက်လက်ကြားနာ စစ်ဆေးသွားမည်ဖြစ်ကြောင်း သိရှိရသည်။
ဒဂုံမြို့နယ်တရားရုံးက နိုဝင်ဘာ ၈ ရက်(ယနေ့)တွင် ရုံးချိန်းဆင့်ခေါ်ခဲ့သော်လည်း ပုဒ်မ ၅၀၀ ဖြင့် အစွပ်စွဲခံရသူ The Voice ဂျာနယ် အယ်ဒီတာချုပ် ဦးကျော်မင်းဆွေမှာ နိုင်ငံခြားခရီးသွားနေသောကြောင့် ယနေ့တွင် အမှုကိုစစ်ဆေးခြင်းမရှိခဲ့ဘဲ လာမည့်နိုဝင်ဘာလ ၂၂ ရက် နေ့တွင် ရုံးချိန်းထပ်မံဆင့်ခေါ်ထားပြီး ပြန်ခေါ်သက်သေများ စစ်ဆေးသွားမည်ဖြစ်ကြောင်းလည်း သိရှိရပါသည်။
Eleven Media Group