ဝန်ကြီးဌာနများ၏ အစီရင်ခံစာများတွင် ကိန်းဂဏန်းမပြည့်စုံမှု၊ ကိန်းဂဏန်းမှန်ကန်တည်ငြိမ်ရန် လိုအပ်နေကြောင်း အမျိုးသားလွှတ်တော် အမျိုးသားစီမံကိန်းရေးရာကော်မတီ အကြံပြု

   ၀န်ကြီးဌာနများ၏ အစီရင်ခံစာများတွင် ကိန်းဂဏန်း မပြည့်စုံမှု၊ ရှုပ်ထွေးနေမှုများ ရှိနေခြင်း၊ ကိန်းဂဏန်း မှန်ကန်တည်ငြိမ်ရန် လိုအပ်နေခြင်း စသည့်အားနည်းချက်များ ရှိနေခြင်းကို သက်ဆိုင်ရာဝန်ကြီး ဌာနများက ညှိနှိုင်းပြင်ဆင်ရန် လိုအပ်နေကြောင်း အမျိုးသားလွှတ်တော် အမျိုးသားစီမံကိန်းရေးရာကော်မတီက အကြံပြုထားကြောင်း သိရသည်။

           အမျိုးသား စီမံကိန်းရေးရာ ကော်မတီ၏ ၂၀၁၂ ခုနှစ် ဇန်န၀ါရီလမှ အောက်တိုဘာလအထိ လုပ်ငန်းဆောင်ရွက်မှု အစီရင်ခံစာတွင် ၀န်ကြီးဌာနများက တာဝန်ယူသော ကိန်းဂဏန်း အချက်အလက်များ အပြင် ပုဂ္ဂလိကကဏ္ဍ ကြီးထွားလာသည်နှင့်အမျှ ပုဂ္ဂလိကဆိုင်ရာ မှန်ကန်သည့် ကိန်းဂဏန်းအချက်အလက်များ စုစည်းတွက်ချက် တင်ပြနိုင်ရန် လိုအပ်နေသည်ဟု သုံးသပ်ထားကြောင်း သိရသည်။

“နှစ်စဉ်စီမံကိန်းတွေအပြင် ပြည်ထောင်စုအစိုးရအဖွဲ့က လွှတ်တော်သို့ ငါးနှစ်စီမံကိန်းကို ကာလတိုစီမံကိန်းအဖြစ် ရေးဆွဲတင်ပြထားရာ ကော်မတီက သီးခြားသုံးသပ် တင်ပြနိုင်ရန် ညှိနှိုင်းလျက်ရှိပါတယ်။ ကာလတိုငါးနှစ်စီမံကိန်းကို ငါးနှစ်စီမံကိန်းကာလ၏ တစ်နှစ်ခွဲအတွင်း တင်ပြတာဟာ နောက်ကျသည်ဟု ဆိုနိုင်သော်လည်း စုစည်းညှိနှိုင်းရတဲ့၊ များပြားရှုပ်ထွေးတဲ့ လုပ်ငန်းပမာဏကို မှန်းဆတွက်ချက်နိုင်လို့ နောင်တွင် အချိန်မီတင်ပြနိုင်မည့် ပဏာမခြေလှမ်းဖြစ်ကြောင်း သုံးသပ်ရရှိပါတယ်” ဟု ကော်မတီအဖွဲ့ဝင် ဦးမောင်မောင်အေးက လွှတ်တော်သို့ ဖတ်ကြားတင်ပြခဲ့သည်။

       ကော်မတီ၏ အစီရင်ခံစာတွင် ပြည်ထောင်စုအစိုးရအဖွဲ့သည် စီမံကိန်းအကောင်အထည်ဖော်မှု အခြေအနေများကို သုံးလပတ်အလိုက် လွှတ်တော်သို့ တင်ပြနိုင်ရန် ကြိုးပမ်းလာသည့်အတွက် လွှတ်တော်က ကြိုဆိုအသိအမှတ်ပြုထိုက်ကြောင်း၊ ပြည်ပချေးငွေကိစ္စ၊ ဘဏ္ဍာငွေလွှဲပြောင်းသုံးစွဲခွင့် ကိစ္စများကို တင်ပြလာသည်ကို အားရဖွယ်တွေ့မြင်ရကြောင်း ဖော်ပြထားသည်။

     ဆောက်လုပ်ရေးဝန်ကြီးဌာန၏ ၂၀၁၂-၂၀၁၃ ဘဏ္ဍာရေးနှစ်အတွက် ငွေလုံးငွေရင်း (စက်ပစ္စည်း) မူလခွင့်ပြုငွေအတွင်းရှိ လက်ကျန်ငွေမှ ကျပ်သန်း ၁၄၂၇ ဒသမ ၄၀၀ အား ငွေစာရင်းခေါင်းစဉ် လွှဲပြောင်း သုံးစွဲနိုင်ရေးအတွက် ကော်မတီက ဆွေးနွေးခဲ့ကြောင်း သိရသည်။

               ၀န်ကြီးဌာနများ၏ စီမံကိန်းအကောင်အထည်ဖော်မှုနှင့် တိုးတက်မှုအခြေအနေများကို အမြဲတမ်းလေ့လာဆန်းစစ်၍ တိုးတက်မှုအစီရင်ခံစာများကို အချိန်မီပြုစုတင်ပြမည့် အစိုးရအဖွဲ့အစည်း ယန္တရားတစ်ရပ် ထူထောင်သင့်ကြောင်း၊ ယင်းအဖွဲ့အနေဖြင့် အစီရင်ခံစာများကို ဘက်လိုက်မှုမရှိဘဲ အရှိအတိုင်း၊ အမှန်အတိုင်း စိစစ်တင်ပြခွင့်ရှိရန် အရေးကြီးကြောင်း၊ လက်ရှိစီမံကိန်းစိစစ်ရေးနှင့် အစီရင်ခံရေးဦးစီးဌာနကို ထိထိမိမိတာဝန်ပေးပါက ဖြစ်နိုင်ကြောင်း၊ ထိရောက်မှန်ကန်စွာ တင်ပြနိုင်ရန်ဖြစ်ကြောင်း အကြံပြုထားသည်။

                   စိုက်ပျိုးရေးကဏ္ဍတွင်လည်း ဒေသအလိုက် ကြိုက်နှစ်သက်သည့် သီးနှံမျိုးကို ပုဂ္ဂလိကအပိုင်းက ဖြန့် ဖြူးလာတတ်အောင် ကူညီပေးပြီး အတင်းအကျပ် မည်သည့်သီးနှံမျိုးကို စိုက်ရန်ဖိအားမပေးမိရန် သတိပြုသင့်ကြောင်း အကြံပြုတင်ပြထားသည်။

Eleven Media Group