ဆောင်းပါးရှင်-- မောင်မျိုး(စက်မှု)
မြန်မာနိုင်ငံမှာ လက်ရှိဖြစ်ပေါ်နေတဲ့ အပြောင်းအလဲတွေထဲမှာ အားရစရာအကောင်းဆုံး အပြောင်းအလဲတစ်ခု ကို ပြောပါဆိုရင် မြန်မာ့ဘောလုံးလောကလို့ပဲ ပြောရမယ်ထင်ပါတယ်။နိုင်ငံတကာမှာ ဘောလုံးအသင်းတွေကို သူဌေးတွေကအသီးသီးဝယ်ယူသိမ်းပိုက်နေကြသလို မြန်မာနိုင်ငံကသူဌေးမင်းများဟာမြန်မာ့ပရော်ဖက်ရှင်နယ် ဘောလုံးလောက ပီပီပြင်ပြင် ဖြစ်ထွန်းပေါ်ပေါက်လာရေးအတွက် မိမိတို့တတ်နိုင်တဲ့အပိုင်းက ကူညီတဲ့အနေနဲ့ ကိုယ်ပိုင်ဘောလုံးအသင်းတွေ ထူထောင်လို့ မြန်မာ့အားကစား ကမ္ဘာကိုလွှမ်းဖို့ ၀င်ရောက်ကူညီ အားဖြည့်ကြပါတော့တယ်။
ဘောလုံးသမားများ အားတက်ဖွယ်ကောင်းအောင်လည်း လုပ်ခလစာငွေတွေကို ပုံအောလို့ပေးကမ်းတဲ့ အဆင့်အထိဖြစ်လာကြပါတော့တယ်။ တချို့ဘောလုံးသမားတွေရဲ့ လစာဟာဆိုရင်အနှစ်၃၀ လောက် ငွေကုန်လူပမ်းခံပြီး ပညာသင်ကြားထားတဲ့ပါမောက္ခတစ်ယောက်လခရဲ့ဆယ်ဆခန့်ကိုရရှိကြပါတယ်။
ဘောလုံးအသင်းနည်းပြကြီးများကိုလည်း ပြည်ပမှအကောင်းဆုံးရှာဖွေကာမိမိတို့အသင်းများမှာ
သင်ကြားပြသစေပါတယ်။ နိုင်ငံတကာက ဘောလုံးသမားများကိုပင်မက်လုံးပေးကာကိုယ့်နိုင်ငံ
အတွင်းမှာလာရောက်၍ကြေးစားကန်စေတာတွေလည်း တွေ့မြင်နေရပါတယ်။ ဒီလိုတွေကြောင့်ပဲ မြန်မာဘောလုံးအသင်းအနေနဲ့ မနိုင်တာကြာပြီဖြစ်တဲ့ ဗီယက်နမ်၊ ထိုင်း အစရှိတဲ့ အသင်းတွေကို ပြန်လည်ချေပလို့ အနိုင်ယူကစားလာနိုင်တာတွေ့ရလို့ အထူးပင်ဝမ်းသာပီတိဖြစ်ရပါတယ်။
နိုင်ငံတော်တည်ဆောက်ရေးအတွက် အဓိကကျတာက
ခုလို မြန်မာဘောလုံးလောကဘက်မှာ တိုးတက်မှုတွေ တွေ့မြင်နေရသလောက် တခြားသော နိုင်ငံတော် တည်ဆောက်ရေးအတွက် အဓိကအရေးကြီးသော ပညာရေးကဏ္ဍလိုနေရာတွေမှာ တိုးတက်တဲ့အရိပ်အယောင်တွေ သိပ်ပြီးမမြင်တွေ့ရတာကတော့ အထူးပင်ဝမ်းနည်းစရာကောင်းလှပါတယ်။ ဘောလုံးအကယ်ဒမီတွေ အလျှိုလျှိုပေါ်လာပေမယ့် တက္ကသိုလ်အဆောက်အဦးတွေ တိုးတက်မလာခဲ့ပါ။ တက္ကသိုလ်ကျောင်းဆောင်များ ပြန်လည်မွမ်းမံဖို့ပင် ဘဏ္ဍာရေးအခက်အခဲတွေနဲ့ ကြုံတွေ့နေရတယ်ဆိုတာတွေလည်း ကြားသိနေရပါတယ်။
လည်တည်ဆောက်ရာမှာ အဓိကပလေယာများဖြစ်ကြတဲ့ ကျောင်းသားကျောင်းသူများ ပညာဥာဏ်ကြံ့ခိုင်ဖို့ ကျောင်းကောင်းများတည်ထောင်ဖို့လိုပါတယ်။
ပြည်တွင်းကိုဝင်ရောက်လာမယ့် နိုင်ငံတကာရင်းနှီးမြှုပ်နှံသူတွေနဲ့ယှဉ်ပြိုင်ဖို့
ယခုအချိန်အခါလို တံခါးဖွင့်စီးပွားရေးဝါဒ ကျင့်သုံးလိုက်ချိန်မှာ ပြည်တွင်းကစီးပွားရေး လုပ်ငန်းရှင်များအနေနှင့် ယခင်ကထက် ဈေးကွက်မှာ ယှဉ်ပြိုင်မှုတွေ ပိုမိုကြီးထွားလာမှာဖြစ်ပါတယ်။
ယခင်ကလို ပြည်တွင်းကုမ္ပဏီအချင်းချင်းသာ ယှဉ်ပြိုင်ရတော့မည်မဟုတ်ဘဲ၊ ပြည်ပမှဝင်ရောက်လာမည့် အဆင့်မြင့်ကုမ္ပဏီများနှင့် ရင်ဘောင်တန်းရတော့မည်ဖြစ်လေသည်။ ထိုသို့ ပြည်ပကုမ္ပဏီများကို ယှဉ်ပြိုင်ဖို့အတွက် အရေးအကြီးဆုံးမှာ Human Resources ခေါ်သော လူသားအရင်းအမြစ်ပင် ဖြစ်လေသည်။ ပြည်တွင်းလုပ်ငန်းရှင်များအနေနှင့် မိမိတို့လုပ်ငန်းများ တခြားသော ပြည်ပကုမ္ပဏီများနှင့် ယှဉ်ပြိုင်နိုင်ရန် မည်ကဲ့သို့အကောင်အထည်ဖော် ဆောင်ရွက်ရမည်ကို ယခုကတည်းက သေသေချာချာ စဉ်းစားအဖြေရှာကာ လိုအပ်သော ရင်းနှီးမြှုပ်နှံမှုများ ပြုလုပ်သင့်ပေသည်။
တက္ကသိုလ်များကိုလှူဒါန်းတဲ့ နိုင်ငံတကာသူဌေးကြီးများ
မြန်မာပြည်သူများအနေနဲ့ အင်္ဂလန်ဘောလုံးလောကတွင် ခြေစွာနေကြသော နိုင်ငံတကာ သူဌေးကြီးများ၏ နာမည်ကိုအလွတ် နီးပါးရနေသော်လည်း တက္ကသိုလ်များ၊ သုတေသနဌာများ၊ ကျောင်းအဆောက်အဦးများ လှူဒါန်းကြသော ကမ္ဘာကျော်သူဌေးကြီးများကိုတော့ ကြားဖူးသူနည်းပါးပေလိမ့်မည်။ နေရာတကာတွင် အဖြူအမည်းဒွန်တွဲနေသကဲ့သို့ ကမ္ဘာပေါ်တွင် အပျော်အပါးနှင့် စီးပွားရေးမျက်နှာစာကိုသာ ကြည့်တတ်သော သူဌေးကြီးများရှိသလို တိုင်းပြည်ကောင်းကျိုး၊ လူသားထုတစ်ရပ်လုံးကောင်းကျိုးကို ရှေးရှုကာ အလှူအတန်းပြုကြသော သူဌေးကြီးများလည်းများစွာရှိလေသည်။
ထိုကဲ့သို့ အများကောင်းကျိုးတွင် အမြော်အမြင်ကြီးကြီး လှူဒါန်းတတ်သူများတွင် ကမ္ဘာ့အချမ်းသာဆုံး သူဌေးကြီး ဘီလ်ဂိတ်ကတော့ စံနမူနာတင်လောက်စရာပင်။ မိမိစည်းစိမ် ဥစ္စာတို့ကို ဆေးဝါးသုတေသနရံပုံငွေများ၊ HIV ၊ ငှက်ဖျား၊ ပိုလီယို ကာကွယ်ဆေး ကုသဆေးသုတေသန လုပ်ငန်းများ ၊ ပညာရေးအတွက်လှူဒါန်းငွေများမှာ ပြောမဆုံးနိုင်အောင်ပင်။ Microsoft ကို ပူးတွဲတည်ထောင်သူ ပေါလ်အလန်ဟာဆိုရင်လည်း Allen Institute for Brain Science တွင် သုတေသနလုပ်ငန်းများ ဆက်လက်တိုးချဲ့လုပ်ဆောင်နိုင်ရန် အမေရိကန်ဒေါ်လာသန်းသုံးရာ၊ Heyman နှင့် Moritz တို့မှနေ၍ ၀င်ငွေနည်းသော မိသားစုဝင်မှ သားသမီးများကို ထောက်ပံ့ရန်အတွက် University of Oxford သို့ လှူဒါန်းငွေ ဒေါ်လာ ၁၁၆.၈ သန်း၊ Symbiotis Energy မှ CFO ဖြစ်သော Robert Klein မှလည်း Rice University တွင် လူမှုရေးသိပ္ပံဌာန အဆောက်အဦးသစ် တည်ဆောက်ရန်အတွက် အလှူငွေ ၂၅ သန်း စသည်ဖြင့် ပညာရေးအဆင့်အတန်း၊ နည်းပညာအဆင့်အတန်းမြင့်မားစေရန် တက္ကသိုလ်များသို့ လှူဒါန်းကြသော သူဌေးကြီးများလည်း များစွာရှိလေသည်။ မြန်မာနိုင်ငံမှ သူဌေးသူကြွယ်များ လေးစားအတုယူသင့်လှပေသည်။
မြန်မာပြည်ကသူဌေးများအတွက် အချိန်အခါကောင်း
ယခုဆိုလျင် မြန်မာနိုင်ငံမှ တက္ကသိုလ်၊ ကောလိပ်အသီးသီးတို့သည် မိမိတို့ကျောင်းများ အရှေ့တောင်အာရှတွင် အဆင့်အတန်းမီတက္ကသိုလ်တစ်ခု ဖြစ်မြောက်လာရေးအတွက် အကောင်အထည်ဖော်ရန် အစီအစဉ်များရေးဆွဲနေကြသော ကာလဖြစ်လေသည်။ မြန်မာနိုင်ငံ၏ နှစ်ပေါင်းများစွာ ပြစ်ပယ်ခံထားခဲ့ရသော တစ်ချိန်က လျှမ်းလျှမ်းတောက် ရန်ကုန်စက်မှုတက္ကသိုလ်လို အရှိန်အ၀ါရှိ တက္ကသိုလ်များကိုလည်း အဆင့်အတန်းမီတက္ကသိုလ်တစ်ခုအဖြစ် ပြန်လည်ရပ်တည်နိုင်လာရေးအတွက် အကောင်အထည်ဖော်နေကြလေပြီ။ အဖက်ဖက်မှ ယိုယွင်းနေသော နိုင်ငံတော်ကို ပြန်လည်တည်ဆောက်ရာတွင် အစိုးရတစ်ခုတည်း အားနှင့်မဖြစ်နိုင်ပေ။ ပြည်သူအစိုးရ လက်တွဲလို့ကူမှသာလျင် တိုင်းပြည်မြန်မြန် နာလန်ထူပေမည်။
လှူလိုက်စမ်းပါ
နိုင်ငံတကာမှာကဲ့သို့ပင် ဘယ်သူဘယ်ဝါလှူဒါန်းလိုက်သော ကျောင်းအဆောက်အဦးကြီး၊ ဘယ်သူဘယ်ဝါ ကူညီထောက်ပံ့ပေးနေသော သုတေသနဌာနကြီး၊ ဘယ်သူဘယ်ဝါက မတည်ပေးထားသော စကော်လားရှစ်များ အစရှိသည်တို့ကို မြင်ခွင့်ကြားခွင့်ရဖို့ မြန်မာပြည်သူလူထုက အထူးမျှော်လင့်စောင့်စားနေကြလေသည်။ မြန်မာပြည်မှ သူဌေးများအနေနဲ့ ခေတ်ပျက်ရုရှားသူဌေးခရိုနီမိုဗစ်၏နည်းလမ်းသာမလိုက်ကြဘဲကမ္ဘာသူကမ္ဘာသားတိုင်း လေးစားအားကျ အတုယူကြသော စွန့်ဦးတီထွင်လုပ်ငန်းရှင် ပေါလ်နှင့်ဘေလ်တို့ကဲ့သို့ မိမိနိုင်ငံသူနိုင်ငံသားများ နှင့် လူသားထု တစ်ရပ်လုံးကို အကျိုးပြုမည့်နေရာများတွင် ၀င်ရောက်လှူဒါန်းကြဖို့ အကြံပြုလိုပါသည်။
မိမိနိုင်ငံပညာရေး အဆင့်အတန်းမြင့်မားမှသာလျင် မိမိတို့အတွက်လည်း နိုင်ငံတကာအဆင့်မီ လူ့စွမ်းအားအရင်းအမြစ်များကို ရရှိနိုင်မှာဖြစ်ပါတယ်။ စီးပွားရေးလုပ်ငန်းရှင်များအနေနှင့် ဘောလုံးအသင်းများကို ငွေပုံအောကာကိုင်တွယ်နေကြသလို မိမိတို့အတွက် လိုအပ်သော လူသားအရင်းအမြစ်ထုတ်ပေးမည့် စက်ရုံကြီးများဖြစ်သော တက္ကသိုလ်စာသင်ခန်းများကိုလည်း အချိန်မီဝန်းရံကြဖို့အထူးလိုအပ်လှပေသည်။
မောင်မျိုး(စက်မှု)
