 |
| ဓါတ်ပုံ - National League for Democracy |
"အခု လွှတ်တော်အစည်းအဝေးမှာ ဒေါ်အောင်ဆန်းစုကြည် ၀င်ဆွေးနွေးဖို့ အစီအစဉ်ရှိပါတယ်။ ဒါပေမယ့် ဘာတွေ ၀င်ဆွေးနွေးမယ်ဆိုတာတော့ ကျနော်တို့ပြောလို့မရပါဘူး။" ဟု ဦးအုန်းကြိုင်က ပြောသည်။ လွှတ်တော်တွင်း
ဆွေးနွေးခြင်း မရှိသေးသည့် အဆိုနှင့် မေးခွန်းများကို မီဒီယာများသို့ ထုတ်ဖော်ပြောဆိုခြင်း မပြုရန် ကန့်သတ် ထားသည်ဟုလည်း ဦးအုန်းကြိုင်က ဆိုသည်။
NLD အနေဖြင့် လတ်တလောအခြေအနေတွင် အဆို ၃ ခု တင်သွင်းရန်ရှိပြီး၊ မေးခွန်း ၅ ခု မေးမြန်းရန် ပြင်ဆင်ထား ပြီးဖြစ်သည်ဟုလည်း ဦးအုန်းကြိုင်က မဇ္ဈိမကိုပြောသည်။
NLD သည် ဇူလိုင်လ ၃ရက်နေ့တွင် လွှတ်တော်လုပ်ငန်းဆိုင်ရာ ကော်မတီတရပ်ကို ဖွဲ့စည်းခဲ့ပြီး ကော်မတီ ဥက္ကဋ္ဌ အဖြစ် ဒေါ်အောင်ဆန်းစုကြည်၊ အတွင်းရေးမှူးအဖြစ် ဦးဝင်းမြင့်တို့ဖြင့် အဖွဲ့ဝင် ၇ ဦး ပါဝင် ဖွဲ့စည်းခဲ့သည်။
အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၏ လွှတ်တော်ဆိုင်ရာအရာရှိအဖြစ် ပုဗ္ဗသီရိမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးဇေယျာသော်ကို ဇူလိုင် ၃ရက်နေ့တွင် တာဝန်ပေးခန့်အပ်ခဲ့သည်။
ဇူလိုင်လ ၄ရက်နေ့တွင် စတင်ကျင်းပခဲ့သည့် စတုတ္တအကြိမ် ပုံမှန်လွှတ်တော်အစည်းအဝေးတွင် အဖွဲ့ချုပ်မှ လွှတ်တော် ကိုယ်စားလှယ်များသည် တခြားသောလွှတ်တော်ကိုယ်စားလှယ်များ၏ အဆိုများ၊ မေးခွန်းများတွင် ပါဝင်ဆွေးနွေးခဲ့ ကြသည်။
ဝေစန္ဒာ
ရန်ကုန် (မဇ္ဈိမ)
