စံနမူနာယူရန်ပဲ လိုသည်

Home » ဆောင်းပါး » စံနမူနာယူရန်ပဲ လိုသည်

စံနမူနာယူရန်ပဲ လိုသည်

Written By Live100 on Wednesday, June 10, 2015 | 5:16 PM

စံနမူနာယူရန်ပဲ လိုသည်

သတ်မှတ်အချိန်ကာလထက်စောပြီး တရုတ်နိုင်ငံ၏ ကျောက်မီးသွေး အသုံးပြုမှုသည် အမြင့်မားဆုံး အခြေအနေသို့ ရောက်ရှိဖွယ်ရှိသည်ဟူသော ခေါင်းစဉ်ပါ ဆောင်းပါးတစ်ပုဒ်တွင် အစိမ်းရောင် ငြိမ်းချမ်းရေးအဖွဲ့အစည်းက တရုတ်အစိုးရ ထုတ်ပြန်ထားသည့် အချက်အလက်မျာအား ခွဲခြမ်းစိတ်ဖြာပြီး ၂၀၁၃ ခုနှစ်ကတည်းက တရုတ်၏ ကျောက်မီးသွေးအသုံးပြုမှုမှာ သိသာစွာ ကျဆင်းလာသည်ဟု ရေးသားပြောဆိုခြင်း ဖြစ်သည်။ ကျောက်မီးသွေး အသုံးပြုမှု အမြင့်မားဆုံး အခြေအနေသို့ ရောက်ရှိသည်ဟုဆိုခြင်းမှာ ယင်းအခြေအနေသည် အမြင့်မားဆုံးဖြစ်ကာ ထို့ထက် ပိုမိုသုံးစွဲရန် အကြောင်းမရှိတော့ဟု ဆိုလိုခြင်းဖြစ်သည်။

၂၀၁၄ ခုနှစ် ကာလတူနှင့် နှိုင်းယှဉ်လျှင် ယခု ၂၀၁၅ ခုနှစ် ပထမလေးလပတ်တွင် တရုတ်၏ ကျောက်မီးသွေး အသုံးပြုမှုသည် ရှစ်ရာခိုင်နှုန်းနီးပါး ကျဆင်းသွားသည် ဆိုသည်။ မြို့ပြဆိုင်ရာ လေထုညစ်ညမ်းမှုအဆင့်ကို သိသာစွာလျှော့ချမည်ဟု သန္နိဋ္ဌာန်ချထားခြင်းဖြင့် တရုတ်တို့သည် ရာသီဥတုနှင့် ပြန်ပြည့်မြဲစွမ်းအင်ဆိုင်ရာ ပြောင်းလဲမှုကြီးတစ်ရပ်ကို တပ်လှန့်ပြသလိုက်ခြင်းဖြစ်သည်ဟု ဆိုရမည် ဖြစ်သည်။

မြန်မာနိုင်ငံ၏ လက်ရှိလျှပ်စစ်သုံးစွဲမှု ကဏ္ဍတွင် ရေအားလျှပ်စစ်မှ ၇၄ ရာခိုင်နှုန်း၊ သဘာဝဓာတ်ငွေ့မှ ၂၃ ရာခိုင်နှုန်းနှင့် ကျောက်မီးသွေးမှ သုံးရာခိုင်နှုန်းဖြင့် သုံးစွဲလျက်ရှိသောကြောင့် ရေအားလျှပ်စစ်ဖြင့် သုံးစွဲမှုပမာဏ အမြင့်ဆုံးဖြစ်နေသည်။ လူဦးရေဖြင့် တွက်ချက်ပါက လူဦးရေ ၅၁ သန်းတွင် အိမ်ထောင်စု ၉ ဒသမ ၆ သန်းကျော်ရှိကာ အိမ်ထောင်စု ၆ သန်းကျော်မှာ လျှပ်စစ်မီး မရရှိသေးဟု ဆိုသည်။ လက်ရှိတွင် လူဦးရေ ၂၄ သန်းကျော်အတွက် လျှပ်စစ်ဓာတ်အား မဂ္ဂါဝပ် ၄၀၀၀ မှ ၅၀၀၀ ခန့် ထပ်မံလိုအပ်မည်ဖြစ်သဖြင့် ရေအား၊ ကျောက်မီးသွေးတို့မှ ထွက်ရှိသော လျှပ်စစ်ဓာတ်အား ထုတ်လုပ်မှုကို လက်ခံရန်လိုသည်ဟု လျှပ်စစ်စွမ်းအားဝန်ကြီးက ပြောသည် ဆိုသည်။

ရေအားလျှပ်စစ်ကိုတော့ ခဏထားဦး။ သက်ဆိုင်ရာ မြန်မာအာဏာပိုင်ထံမှ ရရှိသော အချက်အလက်များအရ လက်ရှိ အဆိုပြုလွှာတင်ထားသည့် ကျောက်မီးသွေးစက်ရုံ စီမံကိန်း ၁၁ ခုရှိကြောင်း သိရသည်။ အကယ်၍သာ ကျောက်မီးသွေးစက်ရုံများ လည်ပတ်ခွင့်ရပါက သဘာဝပတ်ဝန်းကျင်နှင့် အနီးရှိ ဒေသခံများ၏ ကျန်းမာရေးကို များစွာထိခိုက်နိုင်ရာ ယင်းစက်ရုံများ တည်ဆောက်မှုနှင့် ပတ်သက်၍ ကန့်ကွက်ဆန္ဒပြမှု အများအပြား ပေါ်ပေါက်ခဲ့သည်။

အထက်ပါအတိုင်း တရုတ်နိုင်ငံနှင့် မြန်မာနိုင်ငံတို့ အသီးသီး၏ ဦးတည်ချက်လားရာကို ကြည့်ပါက သဘာဝပတ်ဝန်းကျင် ထိန်းသိမ်းခြင်းဆိုင်ရာ ရည်ရွယ်ချက်တစ်ခုတည်းကို စဉ်းစားလျှင်ပင် လုံးဝဆန့်ကျင်နေသည်ကို တွေ့ရမည်ဖြစ်သည်။ တရုတ်နိုင်ငံ သမ္မတနှင့် အမေရိကန်နိုင်ငံ သမ္မတတို့က ပြီးခဲ့သည့် နိုဝင်ဘာလတွင် ကာဗွန်ဒိုင်အောက်ဆိုက် ထုတ်လွှတ်မှုဆိုင်ရာ သဘောတူညီချက်တစ်ရပ် လက်မှတ်ထိုးခဲ့သည် ဆိုသည်။

၎င်းသဘောတူစာချုပ်၌ တရုတ်အစိုးရက ၂၀၂၀ ပြည့်နှစ်မတိုင်မီ ကျောက်မီးသွေး အသုံးပြုခြင်းကို ပိတ်ပင်ကန့်သတ်မည်ဟု ဆိုသည်။ တရုတ်တို့၏ စီမံကိန်းရေးဆွဲထားချက်အရ ၎င်းတို့၏ နိုင်ငံ့စီးပွားရေး တိုးတက်ဖွံ့ဖြိုးမှုအပေါ်မှီပြီး စီးပွားရေးဖွံ့ဖြိုးလာလျှင် ဖွံ့ဖြိုးလာသလို ရာသီဥတုဆိုင်ရာ ပြုပြင်ပြောင်းလဲမှုများအား ကြီးကြီးမားမား ပြုလုပ်မည်ဟု ပါရှိကြောင်း အကဲခတ်ပညာရှင်များက ပြောကြား ခဲ့သည်။ လေထုအရည်အသွေး မြှင့်တင်မှုနှင့် ကျောက်မီးသွေးအသုံးပြုမှုအား အဆုံးသတ်ရန် ကိစ္စတို့ကို တရုတ်တို့က အရှိန်မြှင့်တင် ဖော်ဆောင်နေပြီဟု ထင်မြင်ကြောင်း ရိုက်တာသတင်းဌာနကလည်း သတင်းပေးပို့ ရေးသားခဲ့သည်။

အမေရိကန် တိုးတက်ရေး ဗဟိုဌာန၏ တရုတ်နိုင်ငံ မူဝါဒရေးရာ ဒါရိုက်တာဖြစ်သူ မယ်လနီဟတ် (Melanie Hart) သည် ယခုတရုတ်အစိုးရ၏ လုပ်ဆောင်ချက်နှင့် စပ်လျဉ်းသော ကိန်းဂဏန်းများအား သတိဖြင့် သုံးသပ်ရန် လိုဦးမည်ဆိုသည်။ သို့သော် အခြားလေ့လာ သုံးသပ်သူများက ဤကိန်းဂဏန်းများအပေါ် ယုံကြည်မှု ပိုထားနိုင်ပြီဖြစ်ကြောင်း ပြောသည်။ တရုတ်၏ စက်မှုလုပ်ငန်းသုံး ကျောက်မီးသွေးတန်ချိန် အရေအတွက်ကို လေ့လာခြင်းဖြင့် သူတို့သည် ဟောင်းအိုသော စက်မှုလုပ်ငန်းကြီးများအား ပိတ်သိမ်းပစ်ရန် တရားဝင် စီမံကိန်းချမှတ်ထားရှိပြီးဖြစ်ကြောင်း သိရှိနိုင်သည်ဆိုသည်။ တရုတ်ပြည်ကွန်မြူနစ်ပါတီ အနေဖြင့်လည်း ဟောင်းအို၍ ခေတ်နောက်ကျနေပြီဖြစ်သည့် အဆိုပါ စက်မှုလုပ်ငန်းများသည် တိုးတက်မှု မဆောင်ကြဉ်းပေးနိုင်တော့ဟု ရာနှုန်းပြည့် ယုံကြည်နေရုံသာမက လေထုညစ်ညမ်းမှု အလွန်အကျွံ ဖြစ်စေသည်ဟုလည်း နားလည်သဘောပေါက်ထားသည်။ လျှပ်စစ်ထုတ်လုပ်သည့် နည်းစနစ်များတွင် နျူကလီးယား၊ ရေအား၊ သဘာဝဓာတ်ငွေ့၊ ဆိုလာ၊ လေ စသည့် ကာဗွန်လွတ် နည်းစနစ်အများအပြား ရှိနေရာ ယင်းတို့ဖြင့် အစားထိုး ထုတ်လုပ်နိုင်သည်။ ၂၀၁၃ ခုနှစ်အထိ တရုတ်နိုင်ငံ၌ လေစွမ်းအင် အသုံးပြုမှုသည် အမြင့်မားဆုံးဖြစ်သည် ဆိုသည်။

နိုင်ငံအနေဖြင့် စီးပွားရေးချွတ်ခြုံကျမှု မရှိသောကြောင့် စရိတ်စကကြီးမားသည့် လေတာဘိုင်များ ၀ယ်ယူတည်ဆောက်နိုင်ခဲ့သည်မှာ အံ့သြဖွယ်မဟုတ်ပေ။

မြန်မာနိုင်ငံ အနေဖြင့်မူ အာဏာပိုင်တို့က ကျောက်မီးသွေးသုံးစက်ရုံများ တည်ဆောက်ရန်ကိုသာ တွန်းအားပေးနေကြသည်။ လူနေသိပ်သည်းမှု အများဆုံးဖြစ်သော ရန်ကုန်တိုင်းဒေသကြီး၌လည်း သီလ၀ါအထူးစီးပွားရေးဇုန်တွင် မဂ္ဂါဝပ် ၆၅၀ မှ ၁၂၀၀ အတွင်းကို လည်းကောင်း၊ ကျောက်တန်းမြို့နယ်တွင် မဂ္ဂါဝပ် ၅၀၀ စက်ရုံကို လည်းကောင်း၊ ထန်းတပင်မြို့နယ်တွင် မဂ္ဂါဝပ် ၂၇၀ စက်ရုံကို လည်းကောင်း၊ ကွမ်းခြံကုန်းတွင် မဂ္ဂါဝပ် ၃၀၀ စက်ရုံကို လည်းကောင်း ကျောက်မီးသွေးစက်ရုံများ ဆောက်လုပ်ရန် လျာထားချက်ရှိသည် ဆိုသည်။ ၎င်းစက်ရုံများမှထွက်မည့် ဆာလ်ဖာဒိုင်အောက်ဆိုက်ဓာတ်ငွေ့သည် လူ့ကျန်းမာရေးအား ပြင်းထန်စွာ ထိခိုက်စေနိုင်သဖြင့် မိမိ၏ကျန်းမာရေး ထိခိုက်ရသကဲ့သို့ ကိုယ်ချင်းစာနာပြီး စဉ်းစားဆုံးဖြတ်ရန် လိုပေသည်။

ထိုင်းနိုင်ငံမှ လျှပ်စစ်မီးကို တစ်ယူနစ် ကျပ် ၁၇၀ ခန့်ဖြင့် မြန်မာနိုင်ငံ တနင်္သာရီတိုင်း မောတောင်ဒေသအတွက် ပြန်လည်ဝယ်ယူမည့် ကိစ္စတစ်ခုကို ကြားသိလိုက်ရစဉ် ဓမ္မတရား အားမထုတ်ရဘဲ တရားရလုနီးနီး ဖြစ်ခဲ့ပြန်သည်။ မိမိတို့နိုင်ငံတွင် ထုတ်လုပ်ခဲ့သော လျှပ်စစ်ဓာတ်အား ပမာဏ အများအပြားကို အခြားနိုင်ငံများသို့ အကုန်နီးပါး ကိုယ်ကျိုးရှာရောင်းချပြီးမှ သူတစ်ပါးထံမှ ပြန်ဝယ်ယူရသည့် အခြေအနေသို့ ဆိုက်ရောက်ခြင်းမှာ အဂတိလိုက်စားမှု ပိုမိုကြီးထွားလာသောဖြစ်စဉ်ကို ဖုံးထားရာမှ ထင်ထင်ရှားရှား လှစ်ဟဖော်ပြလိုက်ခြင်းဖြစ်သည်။

တရုတ်နိုင်ငံသည် သန့်ရှင်းသော စွမ်းအင်ထုတ်လုပ်မှု နည်းပညာနောက်သို့ မြန်ဆန်စွာ လိုက်ပါဖော်ဆောင်နေသည်နှင့်အမျှ ဆိုလာစွမ်းအင်ကို အခြားနိုင်ငံများထက် များစွာပိုမို ထုတ်လုပ်ခဲ့သည်။ ထို့ပြင် နိုင်ငံတွင်း လေထုညစ်ညမ်းမှုပြဿနာအား ဖြေရှင်းရန်အတွက် ကျောက်မီးသွေးစက်ရုံရာပေါင်း များစွာကိုလည်း ပိတ်သိမ်းခဲ့သည်ကို တွေ့ရသည်။ ယင်းသို့ ပြုလုပ်ခဲ့ခြင်း၏ နောက်ကွယ်တွင် နိုင်ငံ၏ စီးပွားရေးတုံ့နှေးလာမှုသည် အကြောင်းရင်းတစ်ရပ် ဖြစ်ဖွယ်ရှိသည် ဟုဆိုသည်။ ၂၀၁၅ ခုနှစ်၌ တရုတ်အစိုးရ၏ မျှော်မှန်းချက်ဖြစ်သော စီးပွားတိုးတက်မှု ခုနစ်ရာခိုင်နှုန်းထက် နှေးကွေးနေသည်ဆိုသည်။ နောင်တစ်ချိန်တွင် စီးပွားရေး ပြန်လည်ဦးမော့လာမည်ဟု ခန့်မှန်းရသော်လည်း ၎င်း၏ ကျောက်မီးသွေး အသုံးပြုမှုမှာမူ လမ်းကြောင်းဟောင်းသို့ ပြန်လှည့်သွားမည် မဟုတ်တော့ကြောင်း အကဲခတ်သူတို့က ဆိုသည်။

မည်သို့ပင်ဖြစ်စေ၊ ကျောက်မီးသွေး အသုံးပြုမှု ဖော်ဆောင်ခြင်းကိစ္စနှင့် ပတ်သက်၍ တရုတ်ကို စံနမူနာယူရန်ပဲ လိုသည်။

တက္ကသိုလ်မိုးဝါ Eleven Media Group

Share this article :